La Bükako Kulturako taj Sportako centrumo, ginadyako kheresko informaciovo kidel kethane, so opre puterdimaski taj slugimaski instuticija si, le informaciovaki taj zhaglimaski teluni instuticija si, so lasho si pe kodo, hoj tyi slobodno vrama mishto te hasnis avri, taj vi pe kodo, hoj maj godyaver te kerdyos, taj vi pe kodo, hoj nyeve dyelura te sityos. Kado than jekh informaciovako taj sityarimasko centrumo si, taj vi zhanglimasko than si. Le kethane kidime kade rakil pasha jekhkavreste, hoj mashkar kado sagda nyevarel taj lasharel o kethane kidimo, taj hoj te fajol kodole manushenge kon kothe trajon. Amaro ginadyako kher lasho kapcholato inkrel opre la Bükake foroske instuticienca taj organizaciovenca taj le tershegoske taj le regiovoske sityimaske instuticienca. Pasha kodo, hoj inkrel peski dulmutani ginadyako khereski butyi, pasha kado mukel vi kodo, hoj le nyevimatura, sar le moderno ginadyako khereske kerimata (pl.: web2, web3,) ande te avel, ando elektromosho informaciovo. Po sityimasko than moderno gipura si. Pasha kodo, hoj sako dyes misto kodo keras butyi, hoj majbut te avel amaro kethane kidimatura, vi pe kodo gindisaras, hoj angle te tordyaras, opre te putras taj ande te sikavas le digitalizaltura taj elektronikusha objektumura. Kadal dyelura le forosko historiako kethane kidimo grizhisaren taj bararen. Kodo kamel, hoj legmajfeder te zhanel ande te sikavel la ginadyako kheresko slugisardimo. Kadal slugimatura bares lashe si. Sako dyes majbut zhene avena kon hasnin la ginadyako khereske slugimatura vi kade, hoj ande aven kathe, taj vi pa interneto perdal. Kade bishavel e kultura kagodi, hoj ande lel ande butyi kodol manushen, kon aba hasnin o rendsero, taj zhutil lenge ande kodo, hoj te tromen pengo trajo te trajon. O estetikusho, shukar krujipe zhutil le manushenge ande kodo, hoj jekhkavres majfeder te pizharen, hoj lashe angleldelimatura te shunen, hoj lashes te sityon, hoj majbut kuturalisha programura te keren, taj inke vi ande kodo, hoj pe kepzeshura te phiren. Le ginadyara bute rigaske, sityarde, puterde, empatikusha, kreative, zhutimaske manusha si. Bares lashes zhanen te vorbin taj zurales but butyi zhanen te keren. Kamen pengi butyi, taj kade gindinpe, hoj kodol manushenge te avel lasho, kon hasnin la ginadyako kher. La ginadyako kher vi pa kodo grizhisarelpe, hoj vi le chorre manusha te zhanen te hasnin la ginadyako kher kade, sar le kaver mausha.
 
Kodo, hoj la ginadyako kher bigindos te zhanel majdur te zhal, kodo anda themeske love (anda koltsegvetesho) biztoshitin. Sogodi keras misto kodo, hoj kaj le fejlesteshura, taj kaj le programura sogodi te rodas, taj opre te hasnis, hoj amare celura te resas. Anda kado sama las pe dinimata taj pe palyazatura.